ابوذیّات و هوسات مغامرات
زرعت الطیب و انثر کلّمنّی
او خضّر و النوایب کلّمنّی
سبب ولفی الغدرنی کلّمنّی
انطیته سعر غالی او عم علیّه
...
علیه انشد الجای او یرد ولروح
فدیته الگلب و الدلال ولروح
اون و النّاس کلهه اتصیح ولروح
گحط ما تجد غیره ابهل ثنیّه
...
الدهر کوّن ابحالی مالکنته
او شفت عگلی او خیالی مالکنته
احترمتک حیل غالی مالکنته
تجازینی ابزعل حقّی الاذیّه؟
...
شگره العین ساعه من رکبها
او ذهب صایغهه ربهه من رکبها
اکحیله اصل النجابه من رکبها
رکبها ذاک الیدگ الهه خیّه
...
یون و ادموعه تجری ونت موتی
انتطرتک عمری سایب ونت موتی
تدری انت حیاتی ونت موتی
اگطعیت اویای گطع الجاهلیّه
...
حلو یزهی ابجماله من حضرته
اعتجبت او روحی شاهت من حضرته
وطن و امحلّی صیته من حضرته
گمر و اینوّر انجوم الثریّه
...
اتلصّق لافتات اسمک وناویاک
علینه امکررّه اوعودک وناویاک
ابوکت الرای تتملّق وناویاک
او من تنجح غریب اتمر علیّه
...
امصخّم حضّی ما حاشک ولافاک
ولا شد عجده بحزانک ولافاک
لا مبعد علی شوگک ولافاک
ابتلیت اویاک بس نارک سریّه
...
الف شاعر نقد حاکم و جاسم
او یه شعبی او ما اجد زاید و جاسم
دفعت الحانی بالعاید و جاسم
حملته ابصدگ واضح بین ادیّه
...
احلفت ما اسمع اعذارک ولاراک
اعرفتنی امطرّز ابشوگی ولاراک
بعد لا تنتظر جیتی ولاراک
ابتعدنه ابیوم حبنه او خنت بیّه
...
یروحی اعلی الجفانی او شال بسمای
ابتعد یا عینی لتصبّین بسمای
کذب یا ما سمعته ایصیح بسمای
لگیته افلام یلعب بس علیّه
...
مرایه ابعینی اطبعنّک وعن بیک
او شلت سلة حمل شوگک وعن بیک
تذکر من یحن گلبک وعن بیک
ابتوالی اللیل و اتخابر علیّه
...
اذا متمکّن اعلی اهواک لا تسلب فرح عیده
او لا تعشگ گلب معشوگ یمکن صاحبه ایریده
او حچی الفایت او مدفون بالک تخطی و اتعیده
احنه اهل الملعب و الطار انصیده
...
اذا دربک عِسر مشحون امّیتک لا تبدّیهه
و اذا طگّک یسر بالکون اهل الشر لا تخاویهه
عیلت عاجل و مجنون وابعگلک تداویهه
احنه المو گدنه ما زامطنه اندوس اعلیه
...
احنه اها العلی بالکون او سیّدنا النبی اویانه
او علی الکرّار ابو الحسنین بالحق قاید الوانه
الشهاده الترفع النه الصیت یتندّم الوازانه
الصد لو جیّم مترهین اعلیه
...
احنه اهل العداله اسباع او خل تتفهّم اعدانه
عرب و امطهّرین الگاع بالشیمه ابنوایانه
صبرنه جبل ما ینزاح جمل و امصابر ادوانه
الثایه اندگّت فنّه الگال اتندنّاها
...
الرایدنه نصیر ازنوج نجعل رمحه بصوابه
العدو لو شاف متّحدین ینزع سیفه بگرابه
شرق او غرب موجودین من توصل الطلّابه
و الما یلحک دینه ابعنه
...
الیتحدّانه سهمه الموت سیف المرجله ایلوحه
الختلنه ابکتر غافی البین ینحر روحه ابروحه
یضل برض الفله ممطول من هو الیشفی اجروحه
لو داست سدره الخیّاله
...
جاسم ثعلبی (الحسّانی) 25/03/1400
:: برچسب‌ها:
ابوذیّات و هوسات مغامرات ,
:: بازدید از این مطلب : 1514
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
عضو شوید
عضویت سریع
آمار مطالب
آمار بازدید
